სტომატოლოგიური ჰიგიენა და კბილების გათეთრება ბათუმში
ასაკის მატებასთან ერთად კბილები კარგავს ბუნებრივ ფერს, ემალი თხელდება და მგრძნობიარე ხდება, გროვდება ნადები და წარმოიქმნება კბილის ქვა. ეს ყველაფერი იწვევს კბილების დაზიანებას და ღრძილების ანთებას.
განსაკუთრებით მნიშვნელოვანია პროფესიონალი ჰიგიენისტის მონახულება ორთოდონტიული მკურნალობისას, რადგან ამ დროს დამოუკიდებელი ჰიგიენა გართულებულია. ბრეკეტების მქონე პაციენტებმა — ბავშვებმა და მოზრდილებმა — ჰიგიენური წმენდა უნდა ჩაიტარონ ყოველ 3 თვეში ერთხელ.
ორგანიზმში ხშირად არ არის საკმარისი მინერალები, რაც ვერ ივსება სრულფასოვანი კვებით ან მედიკამენტებით. მხოლოდ სპეციალური რემინერალიზაციის პროცედურა (რემოთერაპია) ახდენს მინერალების აღდგენას და კბილების დაზიანების შეჩერებას.
- რბილი ნადების მოცილება Air Flow სისტემით
- კბილის ქვის ულტრაბგერითი მოცილება
- კბილების ზედაპირის პოლირება
- იმპლანტებისა და გვირგვინების ჰიგიენა
- ორთოდონტიული ჰიგიენა
- კომპლექსური პროფესიონალური ჰიგიენა
- ლაზერული გათეთრება
- რემოთერაპია
ულტრაბგერითი წმენდის ჩვენებები:
- კბილის ქვა
- ღრძილქვეშა ნადები
- სუნი პირიდან
- შეშუპება
- გვირგვინები და იმპლანტატები
- ჩაისა და ყავის ლაქები
- ღრძილების სისხლდენა
Air Flow-ის ჩვენებები:
- კბილის ნადები
- ემალის გამუქება
- ბრეკეტებისა და იმპლანტატების წმენდა
- მეტალურ-კერამიკული კონსტრუქციების წმენდა
- ემალის გასუფთავება რესტავრაციამდე
- პაროდონტოზის პრევენცია
- ფტორის თერაპიამდე
პროფესიონალური ჰიგიენის პროცედურის მიმდინარეობა:
თუ პაციენტს აქვს დიდი რაოდენობით ნადები ან ქვა, პირველ ეტაპზე ტარდება ულტრაბგერითი წმენდა. My Dent-ში ვიყენებთ იაპონურ NSC სკეილერს, რომელიც ძალიან რბილია და არ აზიანებს ემალს.
შემდეგ ტარდება Air Flow წმენდა — თანამედროვე მეთოდი, რომელიც არ აზიანებს ღრძილებს და ემალს. გამოიყენება წყლისა და გლიცინის ფხვნილის ნაზავი (KaVo PROPHYflex), რომელიც ნაზად ასუფთავებს კბილებს.
პროცედურა გრძელდება დაახლოებით 30 წუთი. შემდეგ კბილებზე ისმება ფტორის გელი, რომელიც აძლიერებს და იცავს ემალს.
ამ მეთოდით კბილები იღებენ ბუნებრივ ფერს — ოდნავ მოყვითალო ან მოყავისფრო. ეს არ არის გათეთრება, არამედ ღრმა წმენდა. თეთრი ღიმილისთვის საჭიროა ლაზერული გათეთრება, რომელიც ტარდება ჰიგიენის შემდეგ.
პროცედურის შემდეგ რეკომენდებულია 3 საათის განმავლობაში არ მიიღოთ ყავა, ჩაი, საღებავიანი საკვები და არ მოწიოთ. ასევე, 30 წუთის განმავლობაში არ უნდა მიირთვათ საკვები ან სითხე და 12 საათის განმავლობაში უნდა მოერიდოთ საღებავიან პროდუქტებს.
პროფესიონალური ჰიგიენა აუცილებელია ნებისმიერი სტომატოლოგიური მომსახურების წინ — იქნება ეს მკურნალობა, იმპლანტაცია, პროთეზირება თუ გათეთრება. ეს არის პირველი ნაბიჯი ჯანმრთელი და ლამაზი ღიმილისკენ!